146
REGISTRES DU BUREAU
[i56a]
CCXL. — Les basteaulx venans à Paris seront visitez.
16 octobre i56a. (Fol. 136 v°.)
Du vendredy, xvim°jour d'Octobre mil vc lxii.
Au jour d'huy, au Bureau de la ville de Paris, a esté ordonné que tous basteaux montans ou aval-lans à. l'Escolle Sainct Germain, plains ou vides, seront visitez par le cappitaine et soldatz commis au corps de garde de la riviere pour congnoistre s'il y a aulcunes armes ou aultre chose contre le service du Roy et bien de la Ville, ensemble les basteaux qui passeront ou rappasseront la riviere, de Nesle
en la Ville ou aultrement. A ceste fin seront tenuz se garrer à la montée et degrez prochaine de la porte Neufve, ou bien à ceulx à qui appertiendront et con­duiront lesd, basteaulx seront tenuz venir requerir le cappitaine ou son lieutenant d'aller veoir et vi­siter leurs basteaux, et ce en peyne de l'amende et confiscation desd, basteaulx; et seront tenuz les passeurs tenir reng aux serviteurs commis par lesd, cappitaines et ses gens, comme par cy devant a esté ordonné, en peyne de l'amende (1).
CCXLI. ---- [ARBALESTRIER PRIVE DE SON PRIVILLEGE.]
17 octobre 1562. (Z 6826, fol. 16 v°.)
Du samedy, xvii0 Octobre vc lxii.
Au jour d'uy, est comparu Jehan de L'Aistre, ar-balestrier de la ville de Paris, lequel, après avoir
oy le Procureur du Roy et de lad. Ville, <a esté led. de L'Aistre privé du previllege desd, arbalestriers jusques à ung an, à faulte d'avoir obey au mande­ment de son cappitaine.
CCXLI1. — [Exercice de l'estat de lieutenant.]
19 octobre i562. (Z 6826, fol. 16 v°.)
Du lundy, xix° jour d'Octobre vc lxii. Au jour d'uy, a esté ordonné que, pour l'absence de Denis Fournier, lieutenant de mons'de Maisons,
cappitaine, a esté commis monsr mc Leon Breant pour excercer led. estat de lieutenant jusques à ce que autrement en soit ordonné.
CCXLIII. — [Payement? d'ayde au fermier des v solz pour muy.]
20 octobre 1562. (Z 6826, fol. 17 r°.)
Du mardy, xxc Octobre.
Au jour d'uy, sur la requeste faicte par André Dormy pour et ou nom de mons1, le president Dor­my, (2> afin d'avoir main levée de la quantité de xxx [muys] de vin arrestez en ceste Ville, à la requeste du fermier des v solz tournois pour muy, nagueres mys sus par le Roy, et veue la quictance du paye­ment faict par led. Dormy au receveur de pareil
ayde à Joigny, et avoir sur ce oy Mery de Prime, commis à la recepte dud. ayde pour Christofle Aubery en ceste ville de Paris, avons ordonné, suy­vant l'edict, que attendu que lesd, vins ont esté admenez en ceste Ville pour y estre debittez et con­sommez, que led. sr president payera led. ayde au fermier de ceste Ville, sauf son recours contre led. fermier de Joiguy.
O Cette ordonnance du Bureau de la Ville est transcrite au Registre Z 6826, fol. 16 r°.
(2) François Dormy, qui entra au Parlement en qualité de conseiller lai le 3 septembre 154 5, occupait le poste de président de la Chambre des Enquêtes depuis le 20 février 1551 (n. st.); le président Dormy est au nombre des magistrats qui figurent dans les récusations envoyées au Parlement le 18 juillet 156a par le prince de Condé (voir Journal de l'année 156a, Revue rétrospective, 1" série, t. V, p. 183); il se fit recevoir conseiller clerc le 9 décembre 1564 el décéda le 5 avril 1570; sa sépulture se trouvait aux Jacobins.